Sponsing

Som du har lært tidlegare vil bruken av kjendisar kunne auke sjansen for at reklamen blir lagt merke til. Kjende personar kan bidra til at vi tenkjer på produkta på ein spesiell måte og at alt vi forbind med personen smittar over på produktet. Ved å bruke kjende idrettsutøvarar i marknadsføringa vil oppfatninga vår av at personen er sunn og frisk kunne smitte over til produktet, slik at vi tenkjer at produktet både er sunt og bra for kroppen. Annonsørar og reklameskaparar vil derfor vurdere nøye kven som kan gi dei rette assosiasjonane, noko som igjen gjer bandet mellom oss som forbrukarar og merkevarene endå sterkare.

Mange næringsdrivande vel òg å sponse både idrettslag og arrangement.  Ved å sponse arrangement og idrettslag vil forbrukaren for det første lett kunne kjenne att den næringsdrivande og logoen seinare, men òg kunne assosiere selskapet med ein type miljø som forbrukaren føler seg heime i.