Slagord

Kva er eit slagord? Kva blir det brukt til? Korleis lagar ein eit godt slagord?

Slagord i reklame er eit populært verkemiddel, og kan presenterast både munnleg og skriftleg. Slagord blir brukte gjerne for å få deg som forbruker til å hugse merkevara. Dei kan òg gi uttrykk for haldningar og verdiar som merkevara ønsker å bli forbunden med.

For at du som forbrukar skal hugse slagordet prøver den næringsdrivande å lage slagord som skil seg ut. Derfor er mange slagord både fengande og morosame. Eit slagord kan òg rime, men det viktigaste er at det er relevant for tenesta eller produktet. Dette gjer det òg lettare å hugse slagordet, og sørgjer for at du forbind det med riktig merkevare. Slagord er som regel positive, og bruker gjerne plussord som framhevar dei positive sidene ved merkevara. Dei fleste slagorda er ganske korte. Dette gjer dei lettare å bruke, og dermed lettare å hugse. For jo meir eit slagord blir brukte og gjenteke, jo lettare blir det for deg som forbruker å hugse det. Og det er nettopp det den næringsdrivande ønsker!