Barn og unge

Barn og unge blir i dag eksponert for reklame i større grad enn før. Reklame er overalt, på skolen, i læringsmateriell, på skolebussen og på tv. Særleg på sosiale medium er reklametrykket stort. Med aukande bruk av sosiale medium blir òg barn heilt ned til 9-årsalderen utsett for store mengder reklame.  

I ei undersøking utført av Medietilsynet i 2020 svarte 7 av 10 i aldersgruppa 13–18 år at det var for mykje reklame på sosiale medium. Same undersøking viste at omtrent halvparten av 13–18-åringar har teke imot reklame for produkt som skal sørgje for vekttap eller gi større musklar. Mange oppgav òg at dei hadde teke imot reklame for kosmetiske inngrep, tobakksprodukt, alkohol, pengespel og gambling.