Vi er omgitt av reklame
Trykk på spørsmålsteikna nedanfor for å lese meir.
Reklame overalt
Avisene er fulle av annonsar. Postkassa flyt over av reklamebrosjyrar, og busstopp og butikkveggar er dekt av reklameplakatar. Imponerande reklamefilmar lyser mot oss frå kinolerretet og tv-skjermen. I sosiale medium reklamerer skistjerner og influensarar for alt frå hårprodukt til energidrikkar.
Nokre gongar legg vi merke til reklamen. Enten fordi vi synest han er kul, morosam eller nyttig. Eller fordi han er irriterande, slitsam eller dum. Andre gongar legg vi ikkje merke til han i det heile. Han berre er der. Men han påverkar oss likevel.