I dag bruker vi gjerne sosiale medium både til underhaldning og for å finne informasjon. Det er ofte her vi hentar inspirasjon, oppdaterer oss på nye trendar eller finn produktanbefalingar. Det er likevel òg her mykje av den skjulte reklamen er. I ein jungel av personlege meiningar, og sponsa innlegg er det ikkje alltid like lett å vite kva som er personleg og kva som er reklame.

Mykje av den skjulte reklamen i sosiale medium blir lagt ut av profesjonelle påverkarar som får betalt for å bruke, vise fram eller anbefale produkt. Produkta blir gjerne presenterte i ein kvardagsleg, spontan og ærleg måte, der påverkaren er i fokus og produktet er noko påverkaraen bruker sjølv i sin eigen kvardag. Reklamen er gjerne kamuflert i eit elles personleg innlegg, slik at vi skal gløyme at det faktisk er reklame vi ser.

Sjølv om mange påverkarar er flinke til å merke innlegga som reklame, er det framleis mange som ikkje gjer det. Dei legg altså ut skjult reklame.

Omtrent halvparten av all omsetning av marknadsføring i 2020 er frå digital reklame. Sidan 2017 har tv-reklame vore minkande, mens den digitale reklamen stadig veks.

NRK.no: Det påvirkerbransjen ikkje viser deg