Reklame på skolen
Det er ikkje forbode med reklame på skolen. Skolane kan velja kva reklame dei vil sleppe til. Men det finnes nokre hovudreglar alle skolar må følgje.
På skolen skal det vere så lite reklame som mogleg. Her er det kunnskap og læring som skal stå i fokus. Likevel er det av og til reklame i bøker, hefte og appar. Eller det heng reklameplakatar på oppslagstavla. Er det eigentleg lov?
Det er ikkje sånn at all reklame på området på skolen er forboden. Firma som leverer mjølk og frukt til skolen kan for eksempel merke kjøleskap og andre ting med logoane sine.
Kjøpepress
Skolen kan bestemme sjølv kva reklame dei vil sleppe til, men det finst nokon hovudreglar som alle skolar må følge. For eksempel skal kommunar og fylkeskommunar beskytte elevane mot reklame som kan skape kjøpepress.
Eksempel på reklame som kan skape kjøpepress:
Reklame som påverkar kva du tenker og gjer
Dei som lagar reklame bruker både bilde, språk og andre verkemiddel for å påverke deg. På skolen bør det ikkje vere reklame som i stor grad kan påverke kva elevane tenker, føler og gjer.