Du har kanskje høyrt at avtalar skal haldast? Men visste du at det òg gjeld for det du avtalar munnleg? Men kva betyr det eigentleg at avtalar skal haldast?
Når vi seier at «avtalar skal haldast» meiner vi at du og den du inngår avtalen med ikkje berre kan trekke dykk frå avtalen. Det er ingen krav til korleis avtalane skal inngåast. Dette blir kalla «formfridom» og inneber at avtalen kan inngåast munnleg, skriftleg eller på ein annan måte. Det er likevel lurt å tenkje på om du bør avtale noko skriftleg, for å sikre at du har dokumentasjon dersom det skulle oppstå usemjer i etterkant. Vidare er det greitt å vere klar over at det er du som bestemmer om du ønsker å inngå avtalen. Dette kallar vi «avtalefridom».
I mange tilfelle vil det vere den næringsdrivande som bestemmer innhaldet i avtalen utan at du som forbrukar har moglegheit til å påverke avtalevilkåra. Derfor er vi i Forbrukertilsynet oppteken av å føre tilsyn med dei næringsdrivande sine avtalevilkår, slik at dei ikkje blir urimelege for deg og meg som forbrukarar.
Ekstratekstar: Økonomitips for russetida, og Avtale om privatskolar
